Kalıfornııada sý tasqynynan keıin 24 adam iz-túzsiz joǵalǵan
ASTANA. QazAqparat - AQSh Kalıfornııa shtatynyń ońtústik bóligindegi sý tasqyny men kóshkinnen keıin qutqarý qyzmetiniń qyzmetkerleri 24 adamnyń iz-túzsiz joǵalǵanyn málimdedi, dep habarlaıdy «QazAqparat» HAA TAS-qa silteme jasap.
«Olardyń qaıda ekendiginen beıhabarmyz. Biz olardy tabıǵı apat bolǵan aýmaqta dep boljap otyrmyz», - dedi Santa-Barbara okrýginiń resmı ókili Ember Anderson.
Budan buryn Kalıfornııanyń ońtústiginde bolǵan sý tasqyny men kóshkin saldarynan 15 adamnyń mert bolǵany habarlanǵan edi. Sońǵy derek boıynsha, 20 adam zardap shegip, aýrýhanaǵa jetkizilse, sonyń ishinde tórt adam aýyr halde jatyr.
Shamamen 100 turǵyn úı men segiz sharýashylyq maqsatta salynǵan ǵımarat qırap, 300 úı men 20 qurylym zaqymdanǵan.
