Kalıfornııada shirkeýde atys bolyp, bes adam qaza tapty

NUR-SULTAN. QazAqparat - Dúısenbi kúni Sakramento qalasynyń (Kalıfornııa shtaty) mańyndaǵy shirkeýde atys bolyp, keminde bes adam mert boldy, dep habarlaıdy QazAqparat BNO News telearnasyna silteme jasap.

Oqys oqıǵa ornynda Sakramento aýdanynyń polıtsııasy, sonymen qatar arnaıy jasaq jumys isteýde. Telearna óziniń Twitter paraqshasynda bes adam qaza bolǵany týraly aqparatty tártip saqshylary rastaǵanyn jazdy.

Atqan adamnyń kim ekeni men onyń maqsaty belgisiz. Aldyn ala málimet boıynsha, zardap shekkenderdiń arasynda balalar da bar.