Kalıfornııada polıetılen paketterin paıdalanýǵa tyıym salynady
ASTANA. QazAqparat - Kalıfornııada bir rettik polıetılen paketterdi qoldanýǵa tyıym salatyn zań qabyldandy, dep jazady The Sacramento Bee.
2015 jyldyń jazynan bastap plastık paketter azyq-túlik dúkenderinen joıylady. Al 2016 jyldyń basyna qaraı olar barlyq saýda oryndarynda aınalymnan shyǵyp, ornyna qaǵaz qaltashalar paıdalanylady. Saýdagerlerge olardy 10 tsentpen satýǵa ruqsat berildi.
Mundaı sheshim Ulttyq koalıtsııanyń plastıkalyq paketterdi shyǵarýshylary arasynda narazylyq týǵyzdy. Onyń ókilderi sheshimdi qaıta qaraýǵa qol jetkizetinderin málimdedi. Olar ol úshin referendým ótkizý maqsatymen qol jınaı bastady. Birrettik ónim óndirýshilerine 2 mln. dollarǵa deıin qaryz berýge ýáde de berdi.
Kalıfornııa gýbernatory Djerrı Braýn osyndaı sharalar búkil el boıynsha qabyldanady degen úmitte. Atap ótý kerek, polıetılen paketterge tyıym jalpy shtattyń aýmaǵynda birinshi ret salynyp otyr. Osyǵan deıin olardy zańsyz dep tek jekelegen qalalarda ǵana jarııalaǵan bolatyn.
