Kalıfornııada ormandaǵy órtke baılanysty 300 adam evakýatsıalandy
ASTANA. QazAqparat - Kalıfornııa shtatynyń bıligi ormandaǵy órtke baılanysty sol mańda ornalasqan lagerlerdegi 300-den asa adamdy qaýipsiz jerge kóshirdi, dep habarlady «VVS» agenttigi.
Myńǵa jýyq órt sóndirýshi tilsiz jaýmen arpalasyp jatyr. Aldaıda, qatty jelge baılanysty órtti sóndirý qıynǵa soqty.
Buǵan deıin joldy sharpyǵan órtten 20 kólik janyp ketkeni týraly habarlanǵan bolatyn. Kalıfornııa shtatynda birneshe aıdan beri qurǵaqshylyp ornap tur. Shtat aýmaǵynda bıyl 3 381 orman órti tirkeldi.
