Kalıfornııada orman órti kóbeıdi
ASTANA. QazAqparat - Amerıkanyń Kalıfornııa shtatyndaǵy orman órtiniń kóbeıýinen júzdegen adam óz úıin tastaýǵa májbúr boldy.
Shtat basshylyǵynyń habarlaýynsha, Los-Andjeles qalasynyń soltústiginde bastalǵan órt kólemdi aýmaqty qamtyp úlgergen. Al onyń tútininiń qoıýlyǵy sonsha, keıde kúnniń ózi kórinbeı qalady.
Ulttyq parktiń 400-ge jýyq ekzotıkalyq ańdary, onyń ishinde bengal jolbarystary qaýipsiz jerge kóshirildi.
Órtti sóndirýge júzdegen órt sóndirýshi, tikushaqtar men ushaqtar jumyldyryldy.
Bı-Bı-Sı arnasynyń aıtýynsha, birneshe jyldyq qurǵaqshylyqtyń kesirinen, Kalıfornııada bıyl orman órtteri kóbeıgen.
