Kalıfornııada ondaǵan adam túngi klýbta tirideı janyp ketti
ASTANA. QazAqparat - AQSh-tyń Kalıfornııa shtatyndaǵy túngi klýbtardyń birinde iri órt boldy.
Qurban bolǵandar týraly alǵashqy aqparattar kelip túsýde, dep habarlaıdy QazAqparat.
Tilsiz jaýdy aýyzdyqtaý birneshe saǵatqa sozyldy, dep habarlaıdy newsru.com.
East Bay Times óńirlik basylymy qurbandar týraly alǵashqy málimetterdi jarııalady: 9 adam mert boldy, taǵy 13-i iz-túzsiz joǵalǵandar qatarynda. Keıinirek, KTVU telearnasy 25 adamnyń izdestirilip jatqany týraly habarlady.
Órt jergilikti ýaqyt boıynsha senbige qaraǵan túni Oklendtiń 31-inshi avenıýynda túngi klýbtyń qoıma ǵımaratynda oryn aldy. Polıtsııanyń esebinshe, oqıǵa kezinde ǵımaratta 50-den 100 adamǵa deıin bolǵan. Onda oryndaýshy Golden Donna-nyń kontserti ótip jatqan.
Oklendttiń órt sóndirýshileriniń jumysy týraly aıtyp otyratyn beıresmı tvıtter-akkaýntta jazylǵandaı, jalyn shatyr arqyly ishke ene bastaǵanda qutqarýshy komandalar ǵımarattan dereý shyǵarylǵan. Okrýgtiń sherıfi Alamed Djeı Dı Nelsonnyń aıtýynsha, olar 40-qa jýyq adamnyń denelerin qabyldaýǵa ázirlenip jatyr. Onyń baǵalaýynsha, bul 1989 jyly bolǵan jer silkinisinen keıingi adam ólimi boıynsha eń iri oqıǵa. Ol kezde 63 adam kóz jumyp, 3700-den astamy zardap shekken bolatyn.
31st Ave- #oakland @KTVU @kron4news @CBSSF @abc7newsbayarea @allaboutgeorge pic.twitter.com/OecGgnuF6s
— Oakland Firefighters (@OaklandFireLive) 3 dekabrıa 2016 g.
