Kalıfornııada mekteptegi atys: 2 bala mert bolyp, úsheýi jaraqat aldy
ANTA-KLARITA. QazAqparat – Kalıfornııa shtaty Santa-Klarıta qalasynda orta mektepte atys bolyp, eki bala mert boldy, dep habarlaıdy QazAqparat CNN-ge silteme jasap.
Los-Andjelesten 40 mıl qashyqtyqta ornalasqan mekteptegi atystan 14 jastaǵy jasóspirim men 16 jastaǵy boıjetken qaza tapty. 14-15 jastaǵy úsh mektep oqýshysy túrli deńgeıde jaraqat alyp, aýrýhanada jatyr.
Oq atqan osy mektepte oqıtyn Natanıel Berhov atty oqýshy bolyp shyqty. Kýágerlerdiń aıtýynsha, sabaq bastalardyń aldynda Berhov sómkesinen tapansha alyp oqýshylarǵa, keıin óziniń basyna oq atqan.
Los-Andjeles okrýginiń polıtsııasy oq atqan oqýshynyń aýrýhanada aýyr halde jatqanyn habarlady.
Ázirge onyń ne úshin oqýshylarǵa oq atqany belgisiz. Polıtsııanyń málimetinshe, Berhovtyń sol kúni týǵan kúni bolyp, 16 jasqa tolǵan.
Onyń anasy men súıiktisi qazir polıtsııa ýchaskesinde. Polıtsııa oqıǵanyń ne sebepti bolǵanyn anyqtaýǵa tyrysyp jatyr. Oq atýshy men onyń qurbandaryn bir nárse ǵana baılanystyrady – olar bir mektepte oqıdy.
AQSh prezıdenti Donald Tramp Santa-Klarıtada mekteptegi atys saldarynan balalarynan aıyrylǵan otbasylarǵa kóńil aıtty.
«Biz qaza tapqandardyń otbasylary men dostaryna qaıǵyryp, kóńil aıtamyz jáne jaraqat alǵandardyń tezirek saýyǵyp ketýi úshin duǵa etemiz», - dep jazdy Donald Tramp Twitter-de.
Avtor:
Tatıana Kýdrenok
Foto: edition.cnn.com
