Kalıfornııada qoraz adam óltirdi
ASTANA. 10 aqpan. QazAqparat - Kalıfornııada zańsyz ótkizilgen qorazdar tóbelesinde uıymdastyrýshylardyń biri kóz jumdy.
35 jastaǵy Hose Lýıs Ochoa qorazdyń aıaǵyna baılanǵan ótkir almastan jaraqat alyp, qaza tapqan.
Eki saǵat ótken soń aýrýhanaǵa jetkizilgen ol sol jerde kóz jumdy, dep habarlaıdy Bı-Bı-Sı agenttigi.
Sot-medıtsınalyq saraptamada "er adam abaısyzda ótkir nárseden oń jaq jilinshiginen qatty jaraqat aldy" delingen.
«Men mundaı qaıǵyly oqıǵany eshqashan kórmegen ekenmin», - deıdi 20 jyldan beri shtat polıtsııasynda jumys istep júrgen Martın Kıng «Bakersfield Californian» gazetine bergen suhbatynda.
Gazettiń aqparatyna súıensek, qaza tapqan adam qorazdar tóbelesin jıi uıymdastyryp turady, byltyr oǵan qustardy tóbeleske daıyndap júrgendikten aıyppul salynǵan eken.
Oqıǵa ornynda óli qorazdar men oqıǵanyń basqa da dálelderi tabylǵan. Alaıda eshkim qamaýǵa alynbaǵan.
