Kalıfornııada eki jekemenshik ushaq soqtyǵysyp qaldy
ASTANA.QazAqparat - Kalıfornııa aspanynda eki jekemenshik ushaqtyń soqtyǵysýy saldarynan 4 adam kóz jumdy, dep habarlaıdy Lenta.rý.
Oqıǵa jeksenbi kúni Meksıkamen shekaraǵa jaqyn San-Dıego aımaǵynda oryn alǵan.
Qos motorly Sabreliner ushaǵy men bir motorly Cessna 172 San-Dıegodaǵy Braýn Fıld áýejaıyna qoný kezinde soqtyǵysyp qalǵan. Soǵylǵan eki ushaq jerge qulap, ot ala bastaǵan.
Áýe apatynan 4 adam kóz jumdy. Ushaqtardyń ishinde bolǵan adamdardyń sany anyqtalyp jatyr.
Oqıǵa ornyna kelgen órt sóndirýshiler jalyn alǵan aımaqty 1 saǵat ishinde aýyzdyqtaǵan. Órt sóndirý kezinde bir adam zardap shegip, aýrýhanaǵa jatqyzyldy.
