Kalıfornııada derbes úı 78,8 mıllıon dollarǵa satýǵa shyǵaryldy
ASTANA. 25 aqpan. QazAqparat - Bredberı qalasynda (Kalıfornııa shtaty) baǵasy 78,8 mıllıon dollar turatyn jeke úı satýǵa shyǵaryldy. Bul týraly The Real Estalker portaly málim etti, dep habarlady Lenta.rý saıty.
Úıdi salýmen jyljymaıtyn múlik jónindegi kásipker Donald Ebbı segiz jyl boıy aınalysqan, endi ol jyljymaıtyn múlikti satýǵa sheshim qabyldady.
Úsh qabatty basty úıdiń aýdany 2970 sharshy metr. Onda bes jatyn bólmesi, 10 vanna bólmesi, kitaphana, sportzal, alty kamın, 2000 sharap bótelkesin saqtaıtyn jertóle, 3D-kınoteatr, karta oınaıtyn bólme, 15 adamǵa spa-salon bar. Aýdany 3,2 gektar bolatyn onyń aýlasynda qonaq úıi, basseın, sarqyramaly jasandy toǵan, tennıs korty jáne 10 avtomobılge arnalǵan garaj bar.
Bredberı turǵyn úı baǵasy jóninen AQSh-tyń eń qymbat qalalarynyń birinen sanalady.
