Kalıfornııada boıjetken bólmelerdiń ornyna uıashyqtar salynǵan jataqhana ashty
ASTANA. QazAqparat - Kalıfornııada 27 jastaǵy kásipker áıel Podshare - mıllenıaldar (1980-2000 jyldar aralyǵynda dúnıege kelgen adamdar urpaǵy, aqparattyq tehnologııalar zamanynda týylǵandar) úshin qoljetimdi baspana jobasyn iske qosty. Onyń oıynsha, bul páterler, hostelder jáne Airbnb-ny qymbat baǵaǵa jalǵa alýdyń balamasyna aınalýy tıis, dep habarlaıdy vc.ru.
Podshare tujyrymdamasyna sáıkes, barlyq turǵyndar kereýet, teledıdar, toq rozetkalary jáne shamy bar arnaıy uıashyqtarǵa jaıǵasady. Mundaǵy dárethana, jýynatyn bólme jáne asúı bólmesi barlyq turǵyndar úshin ortaq.
Osyndaı qonaqúıde bir tún jatý baǵasy - 40-tan 50 dollarǵa deıin. Joba Los-Andjeles pen Gollıvýdta lokatsııalaryn ashty. Podshare sondaı-aq óz turǵyndaryna kúnine 15 dollarǵa jumys ornyn jalǵa alýdy usynady.
Kalıfornııada baspananyń tym joǵary baǵasy óz mansabyn endi bastap kele jatqan qyzmetkerlerdi jalǵa alýdyń balamaly nusqalaryn izdeýge májbúrleıdi. Máselen, keıbir qyzmetkerler jumys isteıtin keńseleriniń qasyndaǵy kólik turaǵynda ornalasqan júk kólikteri men shaǵyn avtobýstarda turýǵa beıimdeledi.
