Kalıfornııada alty adamdy atyp óltirip, aıdalaǵa tastap ketken
LOS-ANJELES. KAZINFORM — Kalıfornııanyń ońtústigindegi Mohave shólinen birneshe adamnyń denesi tabylǵannan keıin polıtsııa bes adamdy qamaýǵa aldy, dep habarlaıdy BBC.
Máıitter 23 qańtarda San-Bernardıno okrýginen tabylǵan.
Polıtsııa jergilikti ýaqytpen 20:15 kezinde zardap shekkender men oq tıgen jol talǵamaıtyn kólik pen mıkroavtobýsty tapty.
Polıtsııanyń habarlaýynsha, alty adam da oq jaraqatynan qaza tapqan.
San-Bernardıno tergeýshileri atys zańsyz marıhýana óndirisine qatysty bolýy múmkin dep málimdedi.
— Biz janjaldyń marıhýanadan shyqqanyna senimdimiz, — dedi serjant Ýorrık.
Tergeýshiler jábirlenýshilerdiń marıhýana saýdasy úshin sol jerde kezdesýge keliskenin anyqtady.
Qamaýǵa alynǵan bes adam oqıǵa ornyna kelip, álgi alty adamdy atyp óltirgen.
2016 jyldan beri Kalıfornııa eresekterge marıhýana satyp alýǵa jáne tutynýǵa ruqsat bergen bolatyn.
