Kalıfornııada adamdarǵa pyshaqpen shabýyl jasalyp, 4 adam zardap shekti

ASTANA. QazAqparat - Kalıfornııadaǵy shabýyl saldarynan tórt adam pyshaq jaraqatyn aldy, bireýi kóz jumdy, dep habarlaıdy QazAqparat tilshisi NBC News-ke silteme jasap.

AQSh polıtsııasynyń málimetinshe, dúısenbi kúni tańerteń Kalıfornııa shtatynyń Long-Bıch qalasynda belgisiz adam tórt adamdy pyshaqtalǵan.

Zardap shekkenderdiń biri – aýrýhanaǵa jetkizilgen áıel sol jerde kóz jumdy. Qalǵandary túrli jaraqattarmen aýrýhanaǵa jatqyzyldy. Kúdiktilerdiń bireýi oqıǵa ornynda ustaldy, onyń qolynda pyshaq bolǵan.

Shabýyl jasaýdaǵy maqsat belgisiz. Tergeý barysynda qylmyskerdiń baspanasyz ekeni belgili boldy. Úıdiń ortasha baǵasy 700 myń dollardy quraıtyn Long-Bıchtegi turǵyn úı daǵdarysy ýshyǵyp barady. Aqpan aıynda qaladaǵy baspanasyzdardyń sany 2020 jylmen salystyrǵanda kóshede nemese lagerde turatyndar sany 22 paıyzǵa, kólikte turatyn azamattar sany 380 paıyzǵa ósken.

Qala ákimshiliginiń málimetinshe, qaladaǵy 10 úısiz adamnyń 9-y Kalıfornııadan.

Foto: www.nbcnews.com