Kalıfornııada 44 saǵat ishinde úsh ret atys bolyp, 19 adam qaza tapty
VAShINGTON. QazAqparat – AQSh-tyń Kalıfornııa shtatynda 44 saǵat ishinde úsh jappaı atys bolyp, saldarynan 19 adam qaza tapty, dep habarlaıdy QazAqparat tilshisi CNN-ge silteme jasap.
Birinshi oqıǵa Los-Andjeles mańyndaǵy Montereı saıabaǵy mańynda oryn alǵan. Onda 20 adam qaza tapty, olardyń 11-i senbi kúni Jańa jyl merekesin toılaý kezinde mert bolǵan. Qaskúnem bı zalynda júrgen adamdarǵa tapanshadan 42 ret oq atqan.
Bılik osy oqıǵany tergeý jumystaryn aıaqtamaı turyp, dúısenbi kúni tústen keıin Kalıfornııanyń soltústigindegi Half Mýn Beı aýylynda taǵy jeti adam atyp óltirildi. Qaza bolǵandar – fermanyń jumysshy ımmıgranttary.
Dál osy kúni Beı shyǵanaǵy aımaǵyndaǵy Oklend qalasynda 50-ge jýyq adam bolǵan mýzykalyq beınerolıktiń túsirilimi kezinde atys boldy. Birneshe qarýly qaskóı adamdarǵa ártúrli baǵyttan oq jaýdyrdy. Oqıǵa saldarynan segiz adam zardap shekti, olardyń bireýi qaıtys boldy, qalǵandary aýrýhanaǵa jetkizildi.
2023 jyldyń alǵashqy aptalary Amerıkada qandy oqıǵaǵa toly boldy.
Qańtar aıynda búkil el boıynsha 40 jappaı atys oryn alǵan, onda 70-ten astam adam qaza taýyp, 160-y jaraqat aldy.
Foto: dw.com
