Kalıfornııa jaǵalaýynda keme sýǵa batyp ketti, 34 jolaýshynyń taǵdyry belgisiz
NUR-SULTAN. QazAqparat – Kalıfornııa shtatyna qaraıtyn Santa-Krýs aralynyń soltústik jaǵalaýynda Conception serýendeý kemesi sýǵa batqan jerden taǵy tórt adamnyń denesi tabyldy. Bul týraly dúısenbi kúni CNN telekompanııasy Santa-Barbara okrýgi polıtsııasynyń basshysy Bıll Braýnǵa silteme jasap habarlady.
Qazirgi ýaqytta segiz adamnyń máıiti tabylǵan.
Budan buryn AQSh Jaǵalaý kúzeti tórt adamnyń – eki er adamnyń jáne eki áıeldiń denesi tabylǵanyn málimdegen bolatyn.
Amerıkalyq BAQ ondaǵan adamnyń opat bolǵany jaıly habarlaýda.
Bortynda 34 jolaýshy jáne 5 ekıpaj múshesi bolǵan keme Santa-Krýs aralynan nebári 20 metrdeı jerde órtenip, sýǵa batyp ketken. Joǵary palýbada bolǵan ekıpajdyń bes múshesi sýǵa sekirip úlgergen. Olardy sol mańda ótip bara jatqan ózge keme shyǵaryp alǵan. Al 34 jolaýshy palýbanyń astynda ornalasqan kórinedi.
