Kalıfornııa jaǵalaýynan 4 tonna kokaın tabyldy
ASTANA. 22 mamyr. QazAqparat - Quqyq qorǵaýshylar Kalıfornııa jaǵalaýynda muhıttyń betinde qalqyp turǵan 4 tonna marıhýana salynǵan kapshyqtardy taýyp, syrtqa shyǵardy.
Erekshe júktiń shtattyń ońtústigindegi Deına-Poınt qalasynan 20 shaqyrym jerde jatqandyǵy jaıly bılik ókilderi belgisiz bireý qońyraý shalǵannan keıin bildi.
Jeksenbi kúni bolǵan keń aýqymdy operatsııa kezinde osy iske jumyldyrylǵan shekarashylar, jergilikti okrýgtiń sherıf basqarmasy men jaǵalaýdy qorǵaý kemesi, quqyq qorǵaý qyzmetteri zańsyz aq untaq salynǵan 160 paketti jınap aldy.
