Kalıfornııa shtatynyń gýbernatory tórtinshi ret saılandy
ASTANA. QazAqparat - Kalıfornııa shtatynyń qazirgi gýbernatory Djerrı Braýn rekord jasap, tórtinshi ret gýbernatorlyq qyzmetine saılandy, dep habarlady VVS.
Ant berý rásiminde Demokratııalyq partııanyń múshesi salyq saıasatyna, aýqymdy ınfraqurylymdyq jobalarǵa, energııany únemdeý máselelerine jaýapkershilikpen qaraýǵa ýáde berdi.
Respýblıkalyq partııa músheleri onyń sózin synap úlgerdi. Olardyń aıtýynsha, Braýn jańa jumys ornyn ashý, bilim salasyn reformalaý jaıynda birde-bir sóz aıtpady.
Braýnnyń gýbernatorlyq eki merzimi 1975-1983 jyldarda ótken. Demokrat shtattyń basty laýazymyna 2011 jyly qaıta oralǵan. Ol Kalıfornııa bıýdjetindegi tapshylyqty kúrt qysqartqan bolatyn.
