Kalıfornııa shtatyndaǵy órtten myńnan asa adam evakýatsııalandy
ASTANA. QazAqparat - AQSh Kalıfornııa shtatynyń bıligi Napa alqabyndaǵy tabıǵı órtke baılanysty myńnan astam adamdy qaýipsiz jerge kóshirdi, dep habarlaıdy ITAR TASS. Sársenbi kúni KTLA telearnasy taratqan málimetke sáıkes, tilsiz jaýdy aýyzdyqtaýǵa bir myń maman jumyldyrylǵan. Bes turǵyn úı otqa orandy, áli de tórt júz úıge qaýip tónip tur.
Oqys oqıǵaǵa shtattaǵy rekordty deńgeıge jetken qýańshylyq sebep bolyp otyr. Onyń ústine, ekpindi jel de jaǵdaıdy ýshyqtyryp otyr. Okrýg sherıfiniń keńsesi men jergilikti polıtsııa tótenshe jaǵdaıdyń shyǵý sebepterin anyqtaýda. Boljamdardyń arasynda bireý qasaqana ot saldy degen nusqa da qarastyrylýda.
