Kalıfornııa polıtsııasy júrgizýshisiz taksıge aıyppul sala almady

ASTANA. KAZINFORM — AQSh-tyń Kalıfornııa shtatyndaǵy San-Brýno qalasynda jol erejesin buzǵan taksıdi polıtsııa toqtatty. Biraq kólik Waymo fırmasynyń ózdiginen júretin júrgizýshisiz taksıi bolyp shyqty, dep habarlaıdy Oxu.Az.

Quqyq qorǵaý organdary áleýmettik jelide taratqan habarlamaǵa sáıkes, reıd barysynda polıtseıler mas júrgizýshilerdi tekserip jatqanda, taksı baǵdarshamnyń qyzyl túsinen ótip ketken. Bul úshin aıyppul salý kerek, biraq zańnamada «robottarǵa» nemese júrgizýshisiz taksılerge aıyppul salý tártibi joq bolǵandyqtan, hattama toltyrylmady.

Polıtsııa Waymo-ǵa ereje buzý týraly resmı túrde habarlady jáne bolashaqta mundaı oqıǵalardyń qaıtalanbaýy úshin kólikter qaıta baǵdarlamalanady dep úmittenetinin aıtty.

Kompanııa oqıǵaǵa jaýap retinde onyń avtonomdy júrgizý júıesi jol qozǵalysy erejelerin eskere otyryp jasalǵanyn, qaýipsizdikke úlken kóńil bólinetinin jáne bul jaǵdaıdyń tereń zerttelip jatqanyn málimdedi.

Sarapshylar bul oqıǵa júrgizýshisiz tehnologııalardy damytýmen qatar quqyqtyq salada jańa erejeler men normalardy ázirleý qajettigin taǵy bir ret kórsetti deıdi.

Eske sala keteıik, Qytaıda «ushatyn kólikter» soqtyǵysty, qaýipsizdik máselesi kúsheıtilmek.