Kalıfornııa «otty daýyl» qursaýynda qaldy
ASTANA. QazAqparat - Kalıfornııanyń soltústigindegi iri orman órtteri eki qutqarýshynyń ómirin qıyp ketti, on myńdaǵan adam óz úılerin tastap ketýge májbúr boldy, dep habarlaıdy bbc.com.
Órt sóndirý qyzmeti ókiliniń aıtýynsha, Shasta okrýginde bul kúshti jel «otty daýylǵa» aınalǵan. Aǵashtar tamyrymen qoparyldy, avtomobılder aýdarylyp jatyr.
Sondaı-aq 500 ǵımarat otqa oranǵan, buǵan qosa taǵy myńdaǵan qurylys nysandaryna qaýip tónip tur.
Órt sóndirýshilerge tek 5 paıyzyn ǵana sóndirý múmkin bolǵan.
Orman órti dúısenbi kúni buzylǵan avtomobıldiń kesirinen bastalǵan. Jalyn 194 sharshy shaqyrymdy sharpydy. Onyń kólemi San-Frantsısko aýmaǵynan da úlken bolyp otyr.
Tilsiz jaýdy aýyzdyqtaýǵa 3400 órt sóndirýshi jumyldyryldy. Biraq aldaǵy apta boıy sozylatyn qurǵaq ári ystyq aýa raıy jaǵdaıdy odan ári ýshyqtyrýy ǵajap emes.
San Francisco Chronicle basylymynyń jazýynsha, úsh adam - keıýana, nemeresi men shóberesi iz-túzsiz joǵalǵan.
