Kalıfornııa kúshti zilzaladan shyǵynsyz shyqty
ASTANA. Qańtardyń 11-i. QazAqparat - Kalıfornııa sońǵy alty jylda oryn alǵan kúshti zilzaladan oıdaǵydaı shyqty,
dep habarlaıdy QazAqparat Lenta.rý saıtyna silteme jasap.
Senbi kúni, qańtardyń 9-ynda kindigi shtattyń soltústik jaǵalaýlarynda ornalasqan dúmpýdiń terbelisi 6,5 ballǵa jetti, alaıda úlken qırandylar men adam shyǵyny tirkelgen joq. Medıtsınalyq kómekke 30-ǵa jýyq adam júgindi, eń mańyzdy dıagnoz - jambas súıeginiń zaqymdanýy.
Sarapshylardyń pikirinshe, mundaı qýatty zilzala úshin onyń saldarynan bolǵan zardaptardy - pesh murjasynyń qulaýyn nemese terezeniń synýyn - aýyzǵa almasa da bolady. Bul zilzala kindiginiń ornalasýyna jáne zardap shekken aımaqqa adamdardyń sırek qonystanýyna baılanysty: jergilikti turǵyndar negizinen zilzalaǵa barynsha tózimdi, konstrýktsııasy aǵash karkastan jasalǵan úılerde turady.
