Kalıfornııa gýbernatory AQSh prezıdenttigine kandıdat bolýǵa nıetti
ASTANA. KAZINFORM — Kalıfornııa gýbernatory Gevın Nıýsom NBC News habarlaǵandaı, prezıdenttikke kandıdatýrasyn usyný josparyn joqqa shyǵarsa, «jalǵan bolar edi». Ol bul týraly «CBS News Sunday Morning» baǵdarlamasynda bergen suhbatynda aıtty, dep jazdy Kazinform agenttiginiń menshikti tilshisi.
— Iá, eger joq dep aıtsam, men jalǵan aıtqan bolar edim. Men bulaı isteı almaımyn, — dedi Nıýsom.
Gevın Nıýsom – qazirgi prezıdent Donald Tramptyń basty synshylarynyń biri. Ol ulttyq gvardııany ornalastyrý, ımmıgratsııalyq reıdter sııaqty ákimshiliktiń áreketterin synap keldi. Sondaı-aq, ol saılaý okrýgterin qaıta bólý máselesinde respýblıkalyq partııamen kelispeıtinin aıtty.
Nıýsom 2018 jyly alǵash ret Kalıfornııa gýbernatory bolyp saılanǵan. Ol 2026 jyly qaıta saılana almaıdy, sebebi qyzmet merzimine shekteý qoıylǵan.
Buǵan deıin demokrattardan AQSh prezıdenttigine taǵy bir yqtımal kandıdat retinde Kamala Harrıs qarastyrylyp otyrǵany habarlanǵan edi.
Eske sala keteıik, Kamala Harrıs AQSh prezıdenttigine qaıta úmitker bolýǵa nıetti ekenin jazǵan bolatynbyz.