Qalıbek Qýanyshbaev atyndaǵy qazaq drama teatryna ulttyq mártebe beriledi

ASTANA. QazAqparat - Búgin «Joshy han» qoıylymynyń premerasynan keıin Memleket basshysy Qasym-Jomart Toqaev Qalıbek Qýanyshbaev atyndaǵy memlekettik akademııalyq qazaq mýzykalyq drama teatryna jańa mártebe beriletinin málimdedi, dep habarlaıdy QazAqparat.

Tarıhı dramanyń avtory – belgili jazýshy-dramatýrg Dýman Ramazan, qoıýshy rejısseri – Qazaqstannyń eńbek sińirgen qaıratkeri Bolat Uzaqov.

Memleket basshysy qoıylymdy tamashalaǵan soń týyndy avtorymen jáne Q.Qýanyshbaev atyndaǵy memlekettik akademııalyq qazaq mýzykalyq drama teatrynyń ujymymen áńgimelesti.

Prezıdent teatr ujymyna shyǵarmashylyq tabys tilep, óner ordasyna ulttyq mártebe berý jóninde sheshim qabyldaǵanyn aıtty.

Tıisti jarlyq qazan aıynda Respýblıka kúni qarsańynda jarııalanady.