Qalı Sársenbaı: Jańarǵan ult, jańǵyrǵan eldiń jetistigin jahanǵa tanystyra alady
«Parlament palatalarynyń birlesken otyrysynda Qazaqstan Prezıdenti Qasym-Jomart Toqaev halyqqa Joldaý jasady. Prezıdent Joldaýynda ulttyq degen uǵymǵa erekshe mán berdi. Demek, qandaı irgeli sala bolmasyn ol eń aldymen ultqa qyzmet etýge tıis. Ol sonda ǵana óziniń ulttyq mártebesine laıyq bola alady. ıAǵnı, barlyq sala jańǵyrýy, jańarýy kerek. Jańarǵan ult qana, jańǵyrǵan eldiń jetistigin jahan jurtyna tanystyra alady»,– deıdi Qalı Sársenbaı.
Sonymen qatar, jýrnalıst jańǵyrýdyń tetikterine toqtaldy.
«Prezıdent bul baǵyttaǵy mindetterdi bárimizge kórsetip, aıtyp berdi. Qazirgi mindet - halqymyzdyń jańa bolmysyn qalyptastyrý. Tutas ult saıasatyn arttyrý. Adam jáne qoǵamdy ýaqyt talabyna saı jetildirý kerektigin ómirdiń ózi kórsetip otyr. Halyymyzdyń birtýar tulǵalarynyń sózine zor mán beretin Qasym-Jomart Kemeluly bul joly ult ustazy Ahmet Baıtursynovtyń myna sózin keltirdi: «Bilimdi bolýǵa oqý kerek. Baı bolýǵa kásip kerek. Kúshti bolýǵa birlik kerek. Osy kerekterdiń jolynda jumys isteý kerek», – deıdi Ahań. Memleket basshysynyń Ahmet Baıtursynovty aıtqany, alashty aıtqany dep bilý kerek. Demek, Alash ıdeıasyn tiriltip otyr. Ádette, qoǵamda ulttyq ıdeıa bar ma, ulttyq ıdeologııa qaı deńgeıde, degen saýal mazalap keledi. Atalmysh Joldaýda osy suraqqa naqty jaýap berildi»,– dep túıindedi jazýshy.
