Kalgarıdegi álem chempıonatynda jańa rekordtar ornatyldy
ASTANA. QazAqparat - Kalgarıde ótip jatqan kópsaıys boıynsha álem chempıonatynda 500 metrlik qashyqtyqqa júgirýden báseke ótti.
Erler men áıelder arasyndaǵy jarystarda jańa rekordtar ornatyldy. Erlerdiń arasynda kanadalyq Dennı Morrıson kósh bastady. Ol atalǵan qashyqtyqty 35 sekýndta ( 34,98) baǵyndyrdy. Al 35,64 kórsetkishimen reseılik Denıs ıÝskov ekinshi, polıak Zbıgnev Brýdka úshinshi orynda.
Osy týrnırdi 6 ret utqan gollandııalyq Sven Kramer bul joly márege 10-shy bolyp jetti. Al qazirgi chempıon Kýn Verveı márege jetpeı, jarys jolynan shyqty.
Al áıelder arasynda AQSh ókili Hızer Rıchardson 37,11 nátıje kórsetip, 2006 jylǵy Sındı Klassenniń jetistigin 0,4 sekýndqa qysqartty. Ekinshi oryn jarys qojaıyny - Kalı Krıstke, al úshinshi oryn sońǵy tórt týrnırdiń jeńimpazy, gollandııalyq Iren Vıýstke buıyrdy.
