Qaldyqtardyń qaýipti túrlerin kádege jaratý úshin olar arnaıy nysandarǵa jiberiledi - Ekologııa mınıstrligi
ASTANA. QazAqparat - Qazaqstanda turmystyq qatty qaldyqtardan (TQQ) otyn óndirý josparlanyp otyr.
Bul týraly búgin Úkimet otyrysynda Turmystyq qatty qaldyqtardy (TQQ) basqarý júıesin jańǵyrtý baǵdarlamasynyń jobasyn tanystyrý kezinde QR Qorshaǵan orta jáne sý resýrstary mınıstri Nurlan Qapparov málim etti.
«Qaldyqtardy óńdeý zaýyttarynda TQQ-nyń óńdelmeıtin bólikterinen otyn óndirý qarastyrylyp otyr jáne TQQ-ny kómý deńgeıin azaıtý maqsatynda ony tsement zaýyttary men jylý elektr stansalaryna baǵyttaý múmkindikteri eskerilýde», - dedi mınıstr.
Sonymen qatar ol turmystyq qaldyqtardyń qaýipti túrlerin kádege jaratý úshin olar arnaıy nysandarǵa jiberiletinin atap ótti.
