Qaldyqtardy qaıta óńdeýdiń zamanaýı júıesin qalyptastyrýdy jedeldetý kerek - Prezıdent
ASTANA. KAZINFORM - Memleket basshysy Qasym-Jomart Toqaev Astanany damytý jónindegi keńeste sóılegen sózinde qaldyqtardy qaıta óńdeýdiń zamanaýı júıesin qalyptastyrýdy jedeldetý kerektiginenazar aýdardy.
-Astana, Almaty jáne Shymkent qalalarynda osy tektes jobalardy iske qosý pysyqtalyp jatyr. Sonyń aıasynda táýligine myń jarym tonnaǵa deıin qaldyq óńdeý, elektr energııasyn óndirý qarastyrylǵan. El boıynsha qaldyqtardy joıýdy kózdeıtin 40-tan astam joba josparlanǵan. Olardyń bári belgilengen merzimde ári sapaly júzege asyrylýǵa tıis, - dedi Memleket bashsysy.
Sonjaı-aq ol sonymen qatar qaldyqtardy suryptaý jáne qoqys polıgondaryn damytý máselesine mán berý mańyzdy ekenin atap ótti.
-Bul isti keıinge qaldyrýdyń ekologııalyq saldary aýyr bolatynyn ári onyń turǵyndar turmysyna teris áser etetinin halyqaralyq tájirıbe kórsetip otyr. Sondyqtan Úkimet osy baǵytta qajetti sharalar qabyldaǵany durys,-dedi Qasym-Jomart Toqaev.
Osyǵan deıin Prezıdenti Astananyń basqa aımaqtarǵa úlgi bolýǵa tıis ekenin aıtqan bolatyn.