Qaldyqtardan elektr óndirý: Qazaqstannyń qaı qalalarynda jańa zaýyttar salynady
ASTANA. KAZINFORM – Ekologııa jáne tabıǵı resýrstar mınıstri Erlan Nysanbaev Qazaqstanda qoqys jaǵatyn zaýyttar salý boıynsha qarastyrylyp jatqan jobalar týraly aıtyp berdi.
– Qoqys jaǵatyn zaýyttarǵa bıýdjet qarajaty bólinbeıdi. Bul bıznes. Sondyqtan qazir qoqys jaǵý arqyly elektr energııasyn óndirýdi jáne sol arqyly tabys tabýdy kózdeıtin kompanııalardyń ınvestıtsııalyq jobalaryn qarastyryp jatyrmyz, – dedi mınıstr Senatta ótken brıfıngte.
Búgingi tańda bul jobaǵa Almaty, Shymkent jáne birqatar óńirlerdiń kompanııalary qyzyǵýshylyq tanytyp otyr.
– Qazirgi ýaqytta biz búkil júıeni Almaty qalasymen pysyqtap jatyrmyz, kompanııamen kelisimsharttarǵa qol qoıý sharttary boıynsha kelissózder júrgizilip jatyr, – dep tolyqtyrdy E.Nysanbaev.
Buǵan deıin Qazaqstanda barlyq qaldyq túrlerin basqarý tujyrymdamasy ázirlenetini habarlanǵan edi.
Sondaı-aq, kádege jaratý tólemderi óńirlerde qatty turmystyq qaldyqtar polıgondaryn salýǵa jumsalýy múmkin.