Qalbyrǵa salynǵan shabaqtardan adam ómirine asa qaýipti benzapıren kantserogeni tabyldy
ASTANA. 13 qańtar. QazAqparat - Reseıdiń Veterınarlyq jáne fıtosanıtarlyq qadaǵalaý federaldy qyzmeti Latvııa kásiporyndarynyń biri daıyndaǵan balyq shprottarynan tipti az kólemniń ózinde adam ómirine qaýipti benzapıren kantserogeniniń shekti ruqsat etilgen deńgeıden artyq ekendigin anyqtady,
dep habarlady Reseıdiń «Jańalyqtar» agenttigi.
Kantserogen Latvııanyń SIA Randa Klavas kásiporny daıyndaǵan balyq shprottaryna shekaralyq veterınarlyq baqylaý júrgizý barysynda anyqtalǵan. «Zerthanalyq zertteý barysynda benzapıren kantserogenniń shekti ruqsat etilgen deńgeıiniń artyq ekendigi anyqtaldy. Bul Keden odaǵy men Reseı zańnamasy talaptaryn buzý bolyp eseptelinedi. Benzapıren tipti az bolǵannyń ózinde adam ómirine qaýipti. Óıtkeni ol aǵzada jınalý qasıetine ıe», - delingen aqparatta.
