«Qalaýlymnyń» basyna qara bult úıirildi
Aıta keterligi, búgin «Nur Otan» partııasynyń respýblıkalyq qoǵamdyq qabyldaý bólmesine kelgen mınıstr aldymen Mańǵystaýdan kelgen jeke kásipker Sara Júsipovany qabyldap, oǵan «Oblystyq mamandandyrylǵan halyqqa qyzmet kórsetý ortalyǵynda» medıtsınalyq kómek kórsetý úshin jalǵa alǵan ornynyń merzimin uzartý máselesine kómek berýge tyrysatyndyǵyn aıtty. Sonymen qatar «Tarıhı Ata jurt» qoǵamdyq birlestiginiń jetekshisi Úzben Qurmanbaıulynyń birlesip is-shara ótkizý bastamasyna qoldaý kórsetti. Munan bólek, Dáýren Áskerbekuly beınebaılanys arqyly Jambyl men Ońtústik Qazaqstan oblystary turǵyndarynyń ótinishterin tyńdady. Máselen, Shymkentten baılanysqa shyqqan bloger, zańger Aıgúl Orynbek urpaq tárbıesine nuqsan keltiretin Eýrazııa telearnasyndaǵy «Qalaýlym» baǵdarlamasyn jabý máselesin qozǵady.
«Qalaýlym» baǵdarlamasy boıynsha áleýmettik jelide de jazǵan bolatynbyz. Bul baǵdarlamaǵa qatysty zertteý de júrgizip kórdim. Túrkııa elinen eken. Túrkııanyń vıtse-premeri bul baǵdarlamaǵa qarsy bolyp, jabylǵan. ıAǵnı, jastardyń beıádep sózderi, tóbelesi baǵdarlamada beleń alyp ketkennen keıin ulttyq mádenıetimizge qarsy dep japqan. Endi ózge elde qańsyq dúnıe bizge tańsyq bolýda. Jastarymyzdyń buzylýyna túrtki bolyp otyrǵan bul baǵdarlama nege bizde kórsetiledi?», - dedi Aıgúl Orynbek.
«Biz telearnalarǵa osyny kórsetińder ne kórsetpeńder dep, redaktsııa saıasatyna aralasa almaımyz. Sodan keıin siz arnaıy shaǵym jasasańyz tekserýge mindettimiz. Biz ony tekseremiz, qaraımyz. Aıtqanyńyz durys. Buqaralyq aqparat quraldary birinshi kezekte elimizdiń azamattarynyń sanasyn jańǵyrtyp, tárbıeleýi kerek. Sondyqtan baǵdarlamanyń redaktorlarymen sóılesýge daıynbyz», - dedi Dáýren Abaev.
