Kalashnıkov avtomatynyń Qazaqstandaǵy óndirisi nege toqtap tur

Ónerkásip jáne qurylys vıtse-mınıstri Azamat Beıisbekov Kalashnıkov avtomatynyń Qazaqstandaǵy óndirisi nege toqtap turǵanyn aıtty, dep habarlaıdy Kazinform.

«Bir jyldary Qazaqstanda AK-74 avtomattary óndiriledi degen aqparat shyqqan. Sol qarýdyń óndirisi bizdiń elde jolǵa qoıyldy ma?» dep surady jýrnalıst Senat otyrysynan keıin.

Azamat Beıisbekovtiń aıtýynsha, Aqmola oblysynda «Tynys» degen kásiporyn avtomat óndirisimen aınalysqan.

«Siz aıtyp otyrǵan óndiris sol jerde uıymdastyryldy. Alaıda qazir belsendi shyǵarylyp jatqan ónim joq. Óıtkeni naryq pen qajettilik shekteýli» — dedi vıtse-mınıstr.

Sondaı-aq, ol jospar boıynsha zaýyttaǵy óndiristiń jergilikti úlesi jyl saıyn artyp otyrý kerek bolǵanyn aıtady.

«Biraq, jańa aıtqanymdaı, qajettilik shekteýli. Qazirgi tańda elimzde qarý-jaraq eksportyna shekteý qoıylǵanyn bilesizder. Sondyqtan, óndiris qazir ýaqytsha toqtatyldy», — dedi Azamat Beıisbekov.