Qalanyń qaq ortasynda kran qulap, birneshe kólikti basyp qaldy
ASTANA. QazAqparat - Bangkok qalasynyń ortalyǵyndaǵy kóshege qurylys krany qulap, birneshe adam zardap shekti. Sondaı-aq, eki qabatty dúken ǵımaraty qırady, dep habarlaıdy Bangkok Post gazetiniń ǵalamtordaǵy nusqasy.
Kran ortalyq Sılom aýdanynyń Saladeng 2 kóshesindegi bıik turǵyn úı ǵımaratynyń qurylysynda jumys jasaǵan. Qulaǵan kezde úsh avtokólikti, eki mototsıkldi basyp, elektr berý jelisiniń symdaryn úzip jibergen.
«Oqıǵa saǵat 09.20 (Máskeý ýaqyty boıynsha 05.20) shamasynda boldy. Krannyń qulaýy kezinde kabınada bolǵan júrgizýshi jaraqat aldy. Sondaı-aq, avtokólikterdiń jáne bir mototsıkldiń júrgizýshisi, ótip bara jatqan adam zardap shekken», delingen habarlamada.
«Qutqarýshylar kranshyny kabına esigin buzyp alyp shyqty», - dep jazdy basylym.
