Qalanyń qaq ortasynda atyp ketti
ASTANA. QazAqparat - Máskeýdiń soltústik-shyǵysynda belgisiz bireý er adamdy atyp ketti. Qylmys Sedov kóshesindegi №7 úıdiń mańynda oryn alǵan.
Alǵan aýyr jaraqattan jábirlenýshi sol jerde jan tapsyrdy. Ázirge tergeýshiler oqıǵa ornynan jeti gılza tapqan.
ITAR-TASS habarlaǵandaı, RF TK Máskeý qalasy boıynsha BTB ókili Vıktorııa Tsyplenkova «jábirlenýshiniń birneshe jerinen oq tıip, kóptegen dene jaraqattaryn alǵanyn» málim etti.
Kýágerlerdiń aıtýynsha, eki er adam ózara áńgimelesip turyp, artynsha bireýi tapanshasyn sýyryp alyp, birneshe ret atqan. Artynsha Mazda avtokóligine minip, izin sýytqan.
