Qalanyń eski bóligin nazardan tys qaldyrmaımyz - Isekeshev
ASTANA. QazAqparat - Búgin Astanada jalpy qalalyq senbilik ótti. Oǵan qala ákimi Áset Isekeshev te qatysty. Onyń aıtýynsha, elordada aǵashtar kóptep otyrǵyzylatyn bolady. Osy joly da myńdaǵan kóshet egildi, dep habarlaıdy QazAqparat tilshisi.
«Búginde biz qalanyń eski bóliginde ornalasqan 19 saıabaqty abattandyrýdy bastadyq. Ol jerde balalar oınaıtyn alańdar, sporttyq trenajerlar bolady. Sosyn Prezıdent qalanyń ishinde jasyl jelekti kóbeıtýdi tapsyrdy. Budan bólek, qala syrtyndaǵy jasyl beldeýdi de qosý qajet. Osynyń arqasynda klımatty barynsha jaqsartýǵa bolady. Biz jyl saıyn otyrǵyzatyn aǵash kóshetteriniń sanyn arttyratyn bolamyz», - deıdi Isekeshev.
Aıta keteıik, búgingi senbilik kezinde shamamen 6 750 aǵash otyrǵyzyldy. Shara aıasynda «Taza ózender!» ekologııalyq aktsııalary uıymdastyrylyp, Esil, Aqbulaq pen Sarybulaq ózenderiniń arnalary qoqys pen turmystyq qaldyqtardan tazartylady. Jalpy, Astanadaǵy kóktemgi ekologııalyq aılyq aıasynda 29 sáýir men 13 mamyr aralyǵynda «Biz - taza qala úshin!» jalpyqalalyq senbilikterdi ótkizý kózdelip otyr.
Búgin QazAqparat tilshisi depýtattardyń senbiligin kórip qaıtty. Sol jerde halyq qalaýlylary senbilikti asarmen almastyrý bastamasyna qatysty óz oılarymen bólisti.
