Qalany elektr qýatymen jabdyqtaý jumystary jalǵasyn taba bermek - E.Shormanov
ALMATY. Jeltoqsannyń 15-i. QazAqparat /Ádilet Musahaev/ - Almaty qalasy Bostandyq aýdanyndaǵy «Geologqurylys» qosalqy stansysyn qaıta qurý aıaqtaldy,
dep habarlaıdy QazAqparat.
Almaty qalasynyń energetıkalyq keshenin 2015 jylǵy kezeńge damytý jáne jetildirý baǵdarlamasyn júzege asyrý aıasynda, 2009 jyly «AJK» AQ 6 qosalqy stansyny qaıta qurýdy júzege asyrdy, sonyń biri «Geologqurylys» QS.
Qala ákiminiń orynbasary Erbol Shormanovtyń aıtýynsha, qosalqy stansynda ornatylǵan jańa qazirgi zamanǵy jabdyq qalanyń ońtústik-batysyndaǵy tutynýshylardy elektrmen jabdyqtaýdyń senimdiligin birshama arttyrýǵa kómektesedi jáne Bostandyq aýdanynyń turǵyndaryn, qalanyń áleýmettik-turmystyq, ónerkásiptik nysandaryn úzdiksiz elektr qýatymen jabdyqtaýdy qamtamasyz etedi. «Qalany elektr qýatymen jabdyqtaý jumystary jalǵasyn taba bermek, aldymyzda áli kóptegen josparlarymyz bar. Kelesi jyly 8 qosalqy stansyny qaıta qurý jáne Azılyq oıyndardy senimdilikpen ótkizýge múmkindik beretin «Kensaı» men «Medeý-Shymbulaq» eki jańa stansynyń qurlysyn júrgizemiz», deıdi E. Shormanov.
«AJK» AQ basqarma tóraǵasynyń birinshi orynbasary Ǵanı Sálimjýarovtyń aıtýynsha, «Geologqurylys» QS tranformatorlardyń 2H25 MVA qýattylyǵymen 1963 jyly paıdalanýǵa berilip, normatıvtik merziminen eki ese artyq jumys istep, fızıkalyq jáne rýhanı eskirgen. Qaıta qurý kezinde 2h25 MVA transformatorlaryn 2h40 MVA-ǵa aýystyryp, qýattyń artýy 30 MVA-ǵa jetken. Sonymen qatar ATQ-35kV jabdyǵy KTQ-35kV qazirgi zamanǵy uıashyǵy bar vakýmdy ajyratqyshymen jabyq taratý qurylǵysyna aýysqan. Stansyny qaıta qurýǵa «AJK» AQ-nyń jumsaǵan qarajatynyń jalpy kólemi 1,1 mıllıard teńgeni qurap otyr.
