Qalany tútin tumshalady: Óskemen turǵyndaryna eskertý jasaldy
ÓSKEMEN. KAZINFORM — Óskemendikterge qaladaǵy ekologııalyq jaǵdaıdyń nasharlaǵany týraly eskertý jarııalandy.
Qazirgi ýaqytta Óskemen kóshelerin qoıý tuman basqan. Buǵan ylǵaldyń joǵary bolýy, túngi jaýyn-shashyn men temperatýranyń kúrt ózgerýi sebep bolyp otyr. Bul týraly ShQO Aqparat ortalyǵynan habarlady.
— Tuman saldarynan júrgizýshilerge jol durys kórinbeıdi. Sondaı-aq avtokólikter men ónerkásiptik kásiporyndardan shyǵatyn qaldyqtardyń bir jerde shoǵyrlaný deńgeıi artýy múmkin, — delingen málimette.
Aıta keteıik, 23 qazanda shahar boıynsha 2-dárejeli qolaısyz meteorologııalyq jaǵdaı jarııalanǵan.
ShQO Ekologııa departamentiniń mamandary aýa sapasyna aspaptyq ólsheý jumystaryn júrgizý úshin birneshe óndiris ornyna jolǵa shyqty.
Eske salsaq, Óskemende bıyl 60-tan astam kún jel soqpaı, qalany tútin basyp turǵany habarlanǵan.
Botakóz Kenjehanqyzy