Qalany tútin basty: Óskemen turǵyndarynyń shaǵymynan soń ekologter tekserý júrgizdi
ÓSKEMEN. KAZINFORM – ShQO Ekologııa departamentiniń mamandary Óskemendegi aýa sapasyna qatysty túsinikteme berdi.
24 shilde kúni áleýmettik jelide Óskemen kóshelerin tútin tumshalap alǵan vıdeo tarady. Halyqtyń kóbi asa sapasyna qatysty óz narazylyqtaryn bildirip jatty. Osyǵan baılanysty ShQO boıynsha Ekologııa departamenti men «Óskemen tynysy» ekologııalyq bıýrosy birlesip, ónerkásiptik kásiporyndardyń sanıtarııalyq-qorǵaý aımaqtarynda jospardan tys monıtorıng júrgizdi.
- Qazirgi tańda qalada qolaısyz meteorologııalyq jaǵdaı qalyptasqan. Ólsheý jumystary sertıfıkattalǵan qural-jabdyqtar arqyly júzege asyryldy. Nátıjesinde, aýadaǵy zııandy zattardyń ruqsat etilgen shekten asý faktisi tirkelgen joq, - dep habarlady departamenttiń baspasóz qyzmetinen.
Mamandardyń aıtýynsha, jelsiz aýa raıy men tómen temperatýra lastaýshy zattardyń jerge jaqyn qabattarda jınalýyna yqpal etip, kózge tuman nemese tútin túrinde kórinýi múmkin. Degenmen barlyq kórsetkish boıynsha aýa sapasy belgilengen normatıvterge sáıkes keledi.
- Qazirgi ýaqytta atmosferalyq aýaǵa monıtorıng jalǵasyp jatyr. Ónerkásiptik nysandar shtattyq rejımde jumys istep tur. Tótenshe jaǵdaılar tirkelgen joq, - delingen aqparatta.
Eske salsaq, ekologııalyq máseleler týraly Telegram-bot halyqtyń 22 myń aryz-shaǵymyn qabyldaǵany habarlanǵan.