«Qalamqastaǵy» apat: Tergeý amaldary júrgizilýde
«2019 jyldyń 13 naýryzynda Mańǵystaý oblysyndaǵy «Qalamqas» munaı-gaz ken ornynda «Sı Bý» ınjenerlik burǵylaý kompanııasy» JShS jobalyq tereńdigi 903 metrlik №8237 uńǵymasyn burǵylaý barysynda gaz-sý qospasy atqylap, tótenshe jaǵdaı oryn aldy. Atalǵan fakti boıynsha Energetıka mınıstrligi Munaı-gaz keshenindegi memlekettik ınspektsııasy batys óńiraralyq basqarmasy men Mańǵystaý oblystyq ekologııa departamenti «Mańǵystaý munaıgaz» AQ-ǵa qatysty tekserý taǵaıyndady. Tekserý qorytyndysy boıynsha Energetıka mınıstrligi shara qabyldaıtyn bolady», - delingen taratylǵan aqparatta.
Qazirgi ýaqytta oqıǵa ornynda «Mańǵystaýmunaıgaz»AQ, «Sı Bý» ınjenerlik burǵylaý kompanııasy» JShS basshylyǵy, Munaı-gaz keshenindegi memlekettik ınspektsııasy batys óńiraralyq basqarmasynyń ókili júr. Sonymen qatar oqıǵa ornynan Energetıka mınıstrligi men «QazMunaıGaz» kompanııasy ortalyq apparatynyń ókilderi kelgen.
«2019 jyldyń 24 naýryzdaǵy jaǵdaıǵa sáıkes munaı atqylap jatqan joq. Tótenshe jaǵdaı saldary osy jyldyń 24 naýryzy kúni keshke aıaqtalady dep kútilýde. QR INdýstrııa jáne ınfraqurylymdyq damý mınıstrligi Indýstrıaldyq damý jáne ónerkásiptik qaýipsizdik komıteti Mańǵystaý oblystyq aýmaqtyq departamentpen birge Qalamqasken ornyndaǵy apattyq jaǵdaıdy tergeý júrgizip jatyr. Sonymen qatar apattyń sebepterin jáne áreketteri apatqa sebep bolǵan tulǵalardy anyqtaý tapsyryldy. Apatty tekserý komıtettiń baqylaýynda tur», - delingen taratylǵan aqparatta.
