«Qalamqas» ken orny mańyndaǵy uńǵymalar tekseriledi
NUR-SULTAN. QazAqparat - QR IIDM Indýstrııalyq damý jáne ónerkásiptik qaýipsizdik komıteti tóraǵasynyń orynbasary Nyǵmetjan Maqajanov ken oryndarynda «Qalamqastaǵy» apat qaıtalanbas úshin qandaı sharalar atqarylatynyn aıtyp berdi, dep habarlaıdy QazAqparat tilshisi.
«Tergeý qorytyndysy boıynsha komıssııa birqatar sharalardy qabyldady. Osy oraıda mundaı apattarǵa jol bermes úshin tıisti sharalardy iske asyrýǵa nusqaý berildi. Atap aıtqanda, «Qalamqas» ken ornyndaǵy №8237 uńǵymasynan 1 shaqyrym radıýsta barlyq uńǵymalarǵa monıtorıng júrgizý usynysy jasaldy. ıAǵnı ekologııalyq zertteý júrgiziledi jáne basqa da uńǵymalarda osyndaı apatqa jol bermes úshin tıisti sharalar atqarylady», - dedi N. Maqajanov elordada ótken baspasóz máslıhatynda.
Sonymen qatar ol «Qalamqas» ken ornyndaǵy apat boıynsha aıyptalǵan «Sı Bý» kompanııasyna qatysty pikir bildirdi.
«Bes jylǵa jýyq ýaqyt «Sı Bý» kompanııasy merdiger uıym retinde qyzmet etti. Bizdegi aqparatqa qaraǵanda, «Sı Bý» burǵylaý kompanııasy buryndary osyndaı apatty jaǵdaılarda baıqalmaǵan», - dedi komıtet ókili.
Aıta keteıik, búgin «Qalamqas» ken ornyndaǵy apatty tekserýdiń nátıjesi jarııalandy.
Buǵan deıin habarlanǵandaı, «Qalamqas» ken ornynda bolǵan apat saldarynan qorshaǵan ortaǵa 98,7 mln teńge kóleminde zalal kelgen. Burǵylaý jumystaryn júrgizgen «Sı Bý» JShS-ne mindetteme qoıyldy.
Esterińizge sala keteıik, Qalamqas munaı ken ornynda uńǵymadan shyqqan gazdyń janýyna baılanysty jedel shtab quryldy.
QR Prezıdenti Qasym-Jomart Toqaev ken ornyndaǵy jaǵdaıdy óz baqylaýyna alǵan bolatyn.
Sonymen qatar, naýryz aıynyń sońyna qaraı Energetıka mınıstrligi «Qalamqas» ken ornyndaǵy órt oshaǵy sóndirilgenin málim etti.
