Qalamgerler arasynda «Ult bolmysy» atty ádebı baıqaý jarııalandy

ASTANA. QazAqparat - Aýǵan soǵysy ardagerleri uıymdarynyń «Qazaqstan ardagerleri» qaýymdastyǵy men respýblıkalyq patrıottyq, ádebı-tanymdyq «Ult bolmysy» jýrnalynyń birlese otyryp, «Ult bolmysy» jýrnalynyń 5 jyldyǵyna oraı, El táýelsizdiginiń 25 jyldyǵyna arnaıy «Táýelsizdik - tumarym, Máńgilik el - turaǵym !» atty poezııa jáne proza janrlary boıynsha qalamgerler arasynda baıqaý jarııalady. «Ádebıet portalynyń» habarlaýynsha, atalǵan baıqaýǵa 18 ben 45 jas aralyǵyndaǵy úmitkerler qatysa alady.

Tómende baıqaýdy uıymdastyrýshylar tarapynan talaptardy berip otyrmyz:

Baıqaýdyń maqsaty men mindetteri: Qalam  ustap júrgen jastarǵa táýelsizdiktiń qundylyǵyn arttyryp, el men jerdiń tutastyǵyn, qazaq degen tekti ulttyń bolmysyn kesteli jyr men kórnekti shyǵarmaǵa arqaý etý. Aqyndar men jazýshylar bar múmkindikterin kórsetip, qasıetti de kıeli táýelsizdik ıdeıalaryn jastardyń boıyna sińiretin kórkem týyndylar jazý. Táýelsizdikti moıyndaǵy tumardaı kórkem tilmen sýretteý basty talap bolady.

- ádebı úrdiste daryndy jas aqyndar men jas jazýshylardyń jarqyrap kórinýine jol ashý.

- jas aqyndar men jas jazýshylardyń qarym-qabiletterin ashyp, shabyttaryna qanat bitirý.

 - rýhanııattyń mańyzdy salasy ádebıettiń jas býyn, jańa esimdermen tolyǵýyna úles qosý.

- jas talanttardyń tanylýyna sebepker bolý.

Taǵaıyndalǵan syılyqtar:

«Ult bolmysy» ádebı syılyǵy (bireý) - bas júlde 1000 000 teńge.

Poezııa boıynsha:

Birinshi oryn - 500 000 teńge,

Ekinshi oryn - 200 000 teńge

Úshinshi oryn - 100 000 (ekeý) teńge

Yntalandyrý syılyǵy - 75000 (ekeý) teńge

Axmet Baıtursynov atyndaǵy qordyń arnaıy júldesi (bireý) 50000 teńge

Respýblıkalyq «Saýap» qoǵamdyq qorynyń arnaıy júldesi (bireý) 100 000 teńge (bul júlde patrıottyq taqyrypta rýxty, ór óleń jazǵan eń jas úmitkerge beriledi)

Jasóspirimderge arnalǵan proza boıynsha:

Birinshi oryn - 500 000 teńge

Ekinshi oryn - 200 000 teńge

Úshinshi oryn - 100 000 (ekeý) teńge

Yntalandyrý syılyǵy - 75000 (ekeý) teńge

Axmet Baıtursynov atyndaǵy qordyń arnaıy júldesi (bireý) 50 000 teńge

Qatysý sharttary: Músháıraǵa ár avtordan toptama óleń nemese tolǵaý, ballada, poemalarmen qatar balalar men jasóspirimderge arnalǵan kórkem prozalar (kólemi kompterlik 15 betten aspaıtyn hıkaıat, kólemi 8 betten aspaıtyn áńgime) qabyldanady.

Konkýrsqa joldanatyn shyǵarmalar buryn esh jerde jarııalanbaǵan jáne eshqandaı baıqaýlarǵa qatystyrylmaǵan bolýy kerek.Baıqaýǵa kelip túsken úmitkerlerdiń shyǵarmalaryn tanymal aqyn-jazýshylardan quralǵan qazylar alqasy ádil saraptaıtyn bolady. Qazylar alqasynyń sheshimi qaıta qaralmaıdy. Saıysqa túsetin shyǵarmalarǵa qoıylatyn talaptar:

* Músháıraǵa 18-45 jasqa deıingi aqyndar men jazýshylar qatysa alady;

* Shyǵarmalar 2016 jyldyń 8 jeltoqsanyna deıin qabyldanyp, jeńimpazdardy marapattaý 12 jeltoqsan kúni Almaty qalasynda ótedi. (ózgerister bolsa qosymsha habarlanady)

* Shyǵarmalar tek kompıýterge terilip, elektrondy nusqasy tómende kórsetilgen meken-jaıda qabyldanady;

* Shyǵarmanyń elektrondy nusqasy búrkenshik atpen myna elektrondy poshtalarǵa jiberilýi kerek: [e-mail] jáne [e-mail]

* Qatysýshynyń aty-jóni; turǵylyqty meken-jaıy, telefon nómiri, elektrondy adresi, ómirbaıany men shyǵarmashylyǵy týraly qysqasha aqparatty jeke konvertke salyp, Almaty qalasy, Ǵ.Muratbaev kóshesi 23, 407-keńsege, «Ult bolmysy» jýrnalyna jiberilýi tıis.

(Ult bolmysy jýrnalynyń ındeksi 74479)

Baılanys telefondary: 8727 2 20 96-66, 87755655762, 87753028671

* Saıysqa barlyq sharttarǵa saı (tehnıkalyq, mazmundyq, t.b.) ázirlengen shyǵarmalar ǵana qabyldanady;

* Tek qazaq tilindegi shyǵarmalar ǵana qabyldanady;

* Barlyq shyǵarmalardyń jazylǵan merzimi kórsetilýi tıis; Qosymsha talaptar:

* Shyǵarmany kompıýterge Times New Roman qarpimen, 14-keglmen terý kerek.