Qalamger Sapar Baıjanovty eske alý keshi ótti

Ýnıversıtet baspasóz qyzmetiniń atap ótýinshe, jıynǵa qalamgerdiń áriptesteri men zamandastary, shákirtteri, otbasy qatysyp, onyń aıasynda 50 jyldyq jýrnalıstik ǵumyrynan syr shertetin kórme uıymdastyrylǵan. Kesh barysynda ýnıversıtet stýdentteri qalamgerdiń jýrnalıstik sheberlik qyrlaryna tereń boılap, ózderin qyzyqtyrǵan saýaldarǵa jaýap alady.

Jarty ǵasyrǵa jýyq qazaq baspasózinde ónimdi eńbek etip, ózindik jýrnalıstik mektebin qalyptastyra bilgen S.Baıjanov 30-ǵa jýyq avtorlyq jáne aýdarma kitaptardyń, 300-den asa maqala, ocherk jáne esselerdiń, pesalardyń avtory.

Qalamgerdiń «Jastyq shaq - jaýapty shaq», «Syr men symbat», «Suńqar kóńil samǵaıdy», «Zamandas týraly tolǵaý», «Ulyma hat», «Arhıv-aıǵaq», «Bes qııan-bes dápter», «Er eńseli el», «Qushtarlyq qýaty», «Ótkennen muraǵat, órkenge ulaǵat», t.b. pýblıtsıstik kitaptary, «Aq marjan», «Qııańqy taǵdyr», «Áke», «Oqshaý taǵdyr», «Saǵyndym seni, Láılók» syndy povester men áńgimeleri, «Ne daýa?», «Pikirtalas», «Zańǵarlar», «Kim áýlıe?», «Zar-zapyran» atty pesalary bar. Ol kórnekti armıan jazýshysy Grant Matevosıannyń «Kerqula» atty povester men áńgimeler jınaǵyn, áıgili kompozıtor Evgenıı Brýsılovskııdiń «Dúıim dúldilder» atty estelikter kitabyn qazaqshaǵa tárjimalaǵan.

«Halyqtar dostyǵy», «Qurmet belgisi» ordenderimen, «Eńbektegi erligi úshin» jáne basqa da medaldarmen marapattalǵan. «Qazaqstannyń eńbek sińirgen qyzmetkeri» qurmetti ataǵy berilgen.