«Qalam qýaty» atty 3-shi respýblıkalyq jýrnalıstik sheberlik baıqaýyna ótinimder qabyldaý merzimi 26 qyrkúıekke deıin uzartyldy

dep habarlady «QazMunaıGaz» UK AQ Qoǵammen baılanys departamenti.

BAQ ókilderiniń kóptegen ótinishterine baılanysty Uıymdastyrý komıteti «Qalam qýaty» atty 3 -shi respýblıkalyq jýrnalıstik sheberlik baıqaýyna ótinimderdi qabyldaý merzimin 2011 jyldyń 26 qyrkúıegine deıin uzartty.

Budan buryn habarlaǵanymyzdaı, baıqaýdyń negizgi maqsaty QR munaı-gaz salasynyń jetistikterine jurtshylyqtyń nazaryn aýdarý, Qazaqstan munaı-gaz salasy kompanııalarynyń aqparattyń ashyqtyǵy boıynsha qyzyǵýshylyǵyn arttyrý, munaı-gaz taqyrybynda qalam terbeıtin elimizdiń BAQ arasynda adal dostyq básekelestikti qoldaý, sonymen qatar biryńǵaı medıa keńistigi úlgisin jasaý bolyp tabylady.

Baıqaýǵa respýblıkalyq, oblystyq jáne qalalyq, aýdandyq gazetterdiń redaktsııa ujymdary, teleradıokompanııalar, aımaqtyq jáne respýblıkalyq BAQ jumys isteıtin jeke izdenýshiler - jýrnalıster, (shtattaǵy jáne shtattan tys qyzmetkerler), sonymen qatar materıaldary jaryq kórgen ne bolmasa tele jáne radıohabarlarynda paıdalanylǵan basqa da avtorlar qatysa alady.

Bıyl «Qalam qýaty» myna atalymdar boıynsha ótkiziledi:

• Gran-prı;
• respýblıkalyq telearnada efırge shyqqan munaı-gaz taqyrybyndaǵy úzdik TV baǵdarlama/ arnaıy reportaj;
• úzdik fotoreportaj;
• úzdik radıobaǵdarlama;
• respýblıkalyq BAQ jaryq kórgen úzdik materıal;
• aımaqtyq baspa BAQ qazaq tilinde jaryq kórgen úzdik materıal;
• aımaqtyq baspa BAQ orys tilinde jaryq kórgen úzdik materıal;
• úzdik stýdenttik jumys;
• úzdik blogger;
• munaı-gaz salasynyń tarıhy týraly úzdik materıal;

Gran-prı júldesiniń qory 300 000 teńgeni quraıdy, ár atalymda - 200 000 teńge.

Baıqaýǵa jańa atalymdar engizý munaı-gaz taqyrybynda qalam terbeıtin jýrnalıster arasynda new-media (bloggıng, mobıldi jýrnalıstıka) progressıvti túrlerin taratýǵa, sonymen qatar BAQ- yndaǵy jas mamandardyń munaı-gaz taqyrybynda materıaldar jazýyna múmkindik beredi.

«Konkýrsqa 2011 jyldyń qańtar aıynyń 1 juldyzynan 2011 jyldyń qyrkúıek aıynyń 25 juldyzyna deıin gazetterde jáne basqa da tirkelgen BAQ, sondaı-aq Internet BAQ jaryq kórgen, tele-radıoda efırge shyqqan materıaldar qabyldanady. Ótinimder 2011 jyldyń 26 qyrkúıegine deıin qabyldanady», - delingen baspasóz qyzmeti taratqan habarlamada.