«Qalam qýaty» atty 3-shi respýblıkalyq jýrnalıstik sheberlik baıqaýyna ótinimder qabyldaý merzimi 26 qyrkúıekke deıin uzartyldy
ASTANA. 11 tamyz. QazAqparat - BAQ ókilderiniń ótinishterine baılanysty Uıymdastyrý komıteti «Qalam qýaty» atty 3-respýblıkalyq jýrnalıstik sheberlik baıqaýyna ótinimderdi qabyldaý merzimin 2011 jyldyń 26 qyrkúıegine deıin uzartty, dep habarlady «QazMunaıGaz» UK AQ baspasóz qyzmetinen.
Budan buryn habarlaǵanymyzdaı, baıqaýdyń negizgi maqsaty QR munaı-gaz salasynyń jetistikterine jurtshylyqtyń nazaryn aýdarý, Qazaqstan munaı-gaz salasy kompanııalarynyń aqparattyq ashyqtyǵy boıynsha qyzyǵýshylyǵyn arttyrý, munaı-gaz taqyrybynda qalam terbeıtin elimizdiń BAQ-tary arasynda adal básekelestikti qoldaý, sonymen qatar biryńǵaı medıa keńistigi úlgisin jasaý bolyp tabylady.
Baıqaýǵa respýblıkalyq, oblystyq jáne qalalyq, aýdandyq gazetterdiń redaktsııa ujymdary, teleradıokompanııalar, aımaqtyq jáne respýblıkalyq BAQ-ta jumys isteıtin jeke izdenýshiler - jýrnalıster, (shtattaǵy jáne shtattan tys qyzmetkerler), sonymen qatar materıaldary jaryq kórgen ne bolmasa tele- jáne radıohabarlarynda paıdalanylǵan basqa da avtorlar qatysa alady.
