«Qalam qýaty» atty 3-shi respýblıkalyq jýrnalıstik sheberlik baıqaýy jalǵasýda
ASTANA. 29 shilde. QazAqparat - «QazMunaıGaz» UK AQ-y men KAZENERGY qaýymdastyǵy jarııalaǵan qazaqstandyq jýrnalısterdiń shyǵarmashylyq belsendiligin arttyrýdy kózdeıtin «Qalam qýaty» atty 3-respýblıkalyq jýrnalıstik sheberlik baıqaýy jalǵasýda.
Baıqaýdyń negizgi maqsaty - QR munaı-gaz salasynyń jetistikterine jurtshylyqtyń nazaryn aýdarý, Qazaqstan munaı-gaz salasy kompanııalarynyń aqparattyq ashyqtyǵy boıynsha qyzyǵýshylyǵyn arttyrý, munaı-gaz taqyrybynda qalam terbeıtin elimizdiń BAQ-tary arasynda adal dostyq básekelestikti qoldaý, sonymen qatar biryńǵaı medıakeńistigi úlgisin jasaý bolyp tabylady.
Baıqaýǵa respýblıkalyq, oblystyq jáne qalalyq, aýdandyq gazetterdiń redaktsııa ujymdary, teleradıokompanııalar, aımaqtyq jáne respýblıkalyq BAQ-ta jumys isteıtin jeke izdenýshiler - jýrnalıster, (shtattaǵy jáne shtattan tys qyzmetkerler), sonymen qatar materıaldary jaryq kórgen ne bolmasa tele- jáne radıohabarlarynda paıdalanylǵan basqa da avtorlar qatysa alady.
Konkýrsqa 2011 jyldyń 1 qańtardan 2011 jyldyń 20 tamyzyzyna deıin gazetterde jáne basqa da tirkelgen BAQ-ta, sondaı-aq Internette jaryq kórgen, tele-radıoda efırge shyqqan materıaldar qabyldanady. Ótinimder 2011 jyldyń 25 tamyzyna deıin qabyldanady.
