Qalalyqtardyń páterleriniń sýyqtyǵy boıynsha shaǵymdaryn Pavlodar ákiminiń ózi tekserdi
PAVLODAR. 14 jeltoqsan. QazAqparat - Pavlodar ákimi Orazgeldi Qaıyrgeldınov PIK tóraǵalarynyń keńesinde jylý jelileriniń jylytý júıelerine ystyq sýdy berý parametrlerin tómendetetinin estip,
problemalyq kóp qabatty úılerge ózi bardy, dep habarlady onyń baspasóz qyzmetinen.
Barlyq shaǵymdar shyndyqqa sáıkes ekeni rastaldy. «Eger páterde bir batareıadan basqalarynyń barlyǵy jyly bolsa, bul jylý berýshilerdiń emes, ishkiúılik jelilerdi jylytý maýsymyna daıyndamaǵan PIK-tiń óziniń kinási», - dep atap ótti qala ákimi.
Qazirgideı aıazdy kúnderi Pavlodarda ondaǵan turǵyn úıde jylýmen qamtamasyz etý problemalary týyndady. Mamandandyrylǵan komıssııalar naqty meken-jaılar boıynsha páterlerde sýyq bolý sebepterin anyqtap, muqııat tekserister júrgizýde.
Qaladaǵy jylýmen qamtamasyz etý turaqty baqylaýǵa alyndy.
