Qalalyq «Jaıdarman» festıvaline 40 jańa komanda qatysady
ASTANA. 18 qarasha. QazAqparat - Búgin elordalyq «Jastar» saraıynda Halyqaralyq stýdentter kúnine oraı jastar arasynda qalalyq «Jaıdarman» festıvali ótedi. Bul týraly astana.kz saıtyna Jastar saıasaty máseleleri basqarmasynan habarlady.
Kóńildiler men tapqyrlar qatary joǵary oqý oryndary men kolledjderdiń jańa 40 komandasymen tolyǵady. «Bul oıyn jastar arasynda keńinen taralǵan. «Jaıdarman» festıvali olarǵa jańa múmkindikter beredi. Endi ǵana stýdent atanǵandarǵa erekshe kóńil bólý kerek. Sebebi, naq osy kontıngentti qoldap, ózderiniń shyǵarmashylyq qabilettilikteri men daryndylyǵyn ashýǵa múmkindik berý kerek»,- deıdi uıymdastyrýshylar. «Jaıdarmandy» eńbek sińirgen óner qaıratkerleri, KVN juldyzdary, ótken maýsymdardyń jeńimpazdary, respýblıkalyq joǵary, premer-lıga oıynshylary tamashalaıdy.
