Qalalyq jastar qazaqsha sóılemeıinshe, til máselesiniń sheshilýi qıyn - Mádenıt mınıstri
ASTANA. 9 qarasha. QazAqparat /Aıdar Ospanalıev/ - «Eger bizdiń jastarymyz ásirese, qalalyq jastar memlekettik tilde sóılemeıtin bolsa, bul máselede bizdiń dittigen maqsatymyzǵa jete qoıýymyz qıyn», dedi búgin Mádenıet mınıstri Muhtar Qul-Muhammed Bnews.kz portaly arqyly ótken on-laın konferentsııa barysynda.
Mınıstrdiń paıymdaýynsha, sońǵy ýaqytta ásirese qala jastarynyń arasynda memlekettik tildi meńgerýge degen talpynys baıqalady. «Mysalǵa estrada salasyn alyp qaraıyq. Orys tilinde án aıtatyn kóptegen qazaq ánshileri qazaqtildi óleńderge qatty qyzyǵýshylyq tanytýda. Olardyń arasynda tek qazaq tilinde ǵana án aıtatyn orystildi qazaqtar da bar. Qazaq tilinde sóıleýge degen talpynys teledıdar arqyly kórsetilip jatatyn Hıt-TV sııaqty baǵdarlamalarda da kórinis taýyp jatady. Osy baǵdarlamaǵa qatysatyn jastardyń keıbiri memlekettik tilde sóıleýge barynsha tyrysyp baǵady. Olardyń qazaq tiline degen shorqaqtyǵy keı jaǵdaıda baıqalyp qalyp ta jatady. Biraq eń bastysy osy jastarda ana tilinde sóılesem degen nıet bar», - dedi mınıstr.
Onyń pikirinshe, bul jastarymyzdyń memlekettik tilge degen qyzyǵýshylyǵynyń artýy. «Til óte názik sala. Ony bireýdiń nusqaýymen úırený múmkin emes. Sondyqtan memlekettik tildi biletin azamattardyń mártebesi joǵary bolýyna qajetti jaǵdaı jasaý qajet», dedi M.Qul-Muhammed.
