Qalalyq shý adam densaýlyǵyna zııandy - ǵalymdar
ASTANA. QazAqparat - Joldaǵy kólikter men ushaqtardyń dybysy, qatty mýzyka jáne qaladaǵy tolassyz shýyl semizdik pen júrek aýrýyna yqpal etedi. Bul týraly sheteldik BAQ Karolına ýnıversıteti ǵalymdarynyń zertteý nátıjesine silteme jasap habarlady.
Joldaǵy kólikterdiń gýili men gúrili joǵarylaǵan saıyn jergilikti turǵyndar semire beredi. Máselen, shýyl deńgeıi 10 detsıbelge artqan saıyn adamnyń myqyny 1 santımetrge jýyq kólemge artady eken. Atap aıtqanda, qatty shýyldyń saldary qursaqtaǵy balalarǵa da zııanyn keltirgen. Shamadan tys dybys stresstik gormondarǵa áser etedi. Bul óz kezeginde beldiń tusynda maıdyń jınalýyna ákep soqtyrady.
