Qalalyq polıtsııa basqarmasy tolyq quramda jumystan shyqty
ASTANA. QazAqparat - AQSh-tyń Indıana shtatynda Banker Hıll qalasynyń polıtsııa bastyǵy men onyń qol astyndaǵy barlyq ofıtserler jumystan shyǵý týraly ótinish jazyp, atalmysh qala polıtsııa basqarmasynsyz qaldy, dep habarlaıdy Guns.com.
Ofıtserler Fox telearnasyna qala ákimshiligimen aradaǵy janjal saldarynan jumystan shyqqandyqtaryn jazyp, ashyq hat joldaǵan. Olardyń aıtýlarynsha, «zańsyz, ádepsiz jáne adamgershilikke jatpaıtyn» áreket jasaýǵa ıtermelegen.
Burynǵy polıtseıler habarlaǵandaı, olardy qandaı da bir qylmystyq áreketterin áshkereleý maqsatynda qalalyq keńes músheleriniń ómirbaıandarymen aınalysýǵa májbúrlegen. Al bas tartqandardy jumystan bosatamyz dep qorqytqan.
Aıta keter bolsaq, Banker Hıll qalasynda myńǵa taıaý halyq turady. Al, qalalyq polıtsııa basqarmasynda bir basshy men tórt ofıtser jumys isteıdi.
