Qalalyq máslıhattyń XXXIV sessııasynda 2017 jylǵy Ýnıversıadany Almatyda ótkizý múmkindigi talqylandy
ALMATY. 20 qazan. QazAqparat -2017 jylǵy Ýnıversıadany Almatyda ótkizý múmkindigi týraly depýtattardyń qoıǵan saýalyna Almaty qalasynyń ákimi aǵymdaǵy jyldyń qarashasynda Brıýsselde sońǵy irikteý satysy ótetinin aıtyp, jaýap berdi.
«Memleket basshysy Ýnıversıadany Almatyda ótkizý bastamsyn qoldady, bul VII qysqy Azıada oıyndary sııaqty qalanyń damýyna oń qarqyn beredi»,- dep atap ótti Ahmetjan Esimov, dep habarlaıdy ákimniń baspasóz qyzmeti.
Sondaı-aq máslıhattyń XXXIV sessııasynda Almaty qalasynda syrtqy bezendirýdi damytýdyń 2009-2014 jyldarǵa arnalǵan baǵdarlamasy men aýktsıonda satylýǵa usynylatyn 13 jer teliminiń tizimi bekitildi.
Sonymen qatar depýtattar Almaty metrosynyń ekinshi kezeńindegi bes stansanyń ataýyn biraýyzdan qoldap, daýys berdi. Osylaısha Abaı dańǵyly men Tilendıev kóshesiniń qıylysyndaǵy aıaldama «Saıran»; Ótegen batyr kóshesiniń qıylysyndaǵy Abaı dańǵylynda ornalasatyn aıaldama «Máskeý»; Abaı dańǵyly men Altynsarın dańǵylyndaǵy aıaldama «Saryarqa»; ıAsaýı kóshesiniń qıylysynda ornalasatyn Abaı dańǵylyndaǵy aıaldama «Dostyq»; «Qalqaman-2» shańǵyn aýdanyndaǵy aıaldama «Qalqaman» dep atalatyn boldy.
